jueves, 23 de marzo de 2017

LENDO AS POESÍAS

Durante esta semana as nenas e nenos de cada curso baixaron á biblioteca a ler as poesías que había dentro da caixa correspondente a súa aula. Tiñades que vérlles as caras de emoción por coñecer se habería poesía ou non.
.


lunes, 20 de marzo de 2017

Día da poesía

Hoxe celébrase o día da poesía e Lectorio estivo a meditar sobre o que facer no cole. A súa proposta titúlase "Hai versos para min?"
Durante esta semana todo o alumnado do centro fixo lectura de poesía de diversos autoras e autores para tomar de referente. Cada nena e neno tería que adicar uns versos a algún compañeiro ou compañeira da aula de maneira anónima e tamén podería adicar uns versos a compas doutras aulas ou mestras do centro. A continuación baixaría á biblioteca a botar estes versos na caixa correspondente.
Hoxe, Día da poesía, abriremos cada caixa para coñecer os versos que se adicaron. A ver se temos sorte e aparece algún para Lectorio!!

Desexamos que disfrutasedes da actividade e tal vez vos inspirase para continuar adicando versos.

martes, 7 de marzo de 2017

DÍA INTERNACIONAL DA MULLER

Na biblioteca de Lectorio poderedes atopar moitos contos con historias para reflexionar coas vosas fillas e fillos e inculcar a igualdade entre mulleres e homes. Atoparedes tamén libros informativos sobre mulleres que cambiaron a nosa historia.



jueves, 2 de marzo de 2017

HOMENAXE A ROSALÍA POLO 180 ANIVERSARIO

Os nenos e nenas da aula de 5 anos quixeron rendir a súa particular homenaxe a Rosalía polo 180 aniversario agasallándoa cun retrato.
Aquí tedes o libriño que eles e elas fixeron


180 aniversario Rosalia