DÍA DE ROSALÍA

Hoxe conmemoramos o 180 aniversario do nacemento da poetisa galega máis recoñecida. Aproveitando esta data, nas aulas fixeron un repaso da biografía e obra da autora utilizando material do que dispoñemos na nosa biblioteca.

Este ano esta data coincide con época de entroido e ata o noso Meco fai homenaxe á nosa Rosalía.

Que pasedes un feliz día de Rosalía e moi bo Entroido!

De novo hoxe a participación das familias foi un éxito. Agradecemos a vosa colaboración na iniciativa. A continuación amosamos un penisco das participantes.

Gracias familias!!

RosalíaTE

O vindeiro 24 de febreiro conmemórase o Día de Rosalía de Castro. Este ano decidimos participar cunha proposta fomentada pola AEG ( Asociación de escritoras e escritores en Lingua galega ), RosalíaTE. Trátase de dar difusión á obra da nosa Rosalía. Para iso solicitamos a colaboración das familias do alumnado para que se acheguen á Biblioteca de Lectorio e posen nun photocall cunha poesía da autora, previamente traballada nas aulas. Comenzamos hoxe coas nenas e nenos de 3 e 4 anos e as súas familias. Foi todo un éxito!. Grazas por participar! Continuaremos durante toda a semana co resto do alumnado. Animádevos a participar!